Dec 9, 2009

ရှမ်းနိုင်ငံတော်(ရှမ်း နှင့် တရုတ် တို့၏ မှတ်တမ်းများမှ) အပိုင်း ၃

ဒီစာမျက်နှာကစလို့ နောက်ပိုင်းစာမျက်နှာတွေဟာ သမိုင်းနဲ့ မတူပဲ ဒဏ္ဍာရီ တစ်ခုလို့ဖြစ်နေပါတယ်။ ဒီလို ဒဏ္ဍာရီ ဆန်တဲ့ ကိစ္စတွေ ထည့်သွင်းမရေးချင်ပေမဲ့ စာအုပ်ပါ အကြောင်းအရာများကို ပြုပြင်ပြောင်းလဲ ခြင်းမရှိစေရန် ထည့်သွင်းဖော်ပြလိုက်ရပါသည်။

page9k.jpg
၉။ ဘုရင်ခွန်တိုင်း .... မိုင်းမောဝ်၏ ရှည်လျှာသောမင်းဆက်တစ်လျှောက်တွင် ခွန်တိုင်း အမည်တွင်သော ဘုရင်သည်လည်း အဓိကကျသောနေရာမှ ပါဝင်ခဲ့သည်။ ၄င်းလက်ထက်တွင် မိုင်းမောဝ်ပြည်တည်ထောင်ရန်အတွက် နန်ချောင်းဘုရင်၏ အကူအညီများစွားရရှိခဲ့သည်။ ခွန်တိုင်းသည် မင်းသက် ၇၂၊ သက်တော် ၈၈ တွင်ကံတော်ကုန်ခဲ့သည်။ ၄င်းလက်ထက်တွင် လမ်းပန်းဆက်သွယ်ရေးများ ကောင်းမွန်၍ အိမ်နီးချင်းနိုင်ငံများသို့ ကုန်သွယ်မှုများတိုးတက်၍ တိုင်းသူပြည်သားများ အေးချမ်းစွာနေထိုင်ကြရသည်။
page10vp.jpg
၁၀။ ခွန်တိုင်း .... မိုင်းမောဝ် အစွန်အဖြား ရွာလေးတစ်ရွာတွင် အိုက်ဟူအမည်တွင်သော ရှမ်းလုလင်ပျိုလေး တစ်ဦးရှိသည်။ အိုက်သည် မြစ်ကမ်းဘေး တစ်နေရာတွင်တည်ရှိသော အိမ်တွင်နေထိုင်လေသည်။ ယင်းလုလင်ပျိုလေးသည် နဂါးမင်းသမီးလေး နှင့်အိမ်ထောင်ကျပြီး အေဒီ ၇၃၀ တွင် သားတော်လေးတစ်ပါး ထွန်းကားခဲသည်။ ယင်းသားတော်လေးကို ခွန်တိုင်း ဟုအမည်မှည့်ခေါ်ခဲ့သည်။

page11v.jpg
၁၁။ ခွန်တိုင်းငယ်စဉ်ဘဝ .... ခွန်တိုင်းသည် မိခင် နဂါးမင်းသမီးနှင် အတူ ရေချောင်း၊ ရေအိုင် များတွင် ဆော့ကစား၍ ကြီးပြင်းခဲ့သည်။ လက်မှုပညာများ ဂီတနှင့် အကပညာများ ကိုသာမက ကိုယ်လုံပညာများကိုပါ စည်းပူးလေ့လာခဲ့သည်။ တိုင်းရေးပြည်ရာများကို မလေ့လာပဲ အလည်အပတ်ဖြင့် အချိန်ကုန်နေသောကြောင့် မိခင်က သားငယ်အား တိုင်းပြည်ရေးရာကို လေ့လာရန်ပြောကြားခဲ့သည်။ ခွန်တိုင်းသည် ချောမောခန့်ညားသော ရုပ်ရည်ကို ပိုင်ဆိုင်သော လူငယ်လေးတစ်ဦးဖြစ်လေသည်။

page12zd.jpg
၁၂။ ခွန်တိုင်း ဘုရင့်သမီးတော်နှင့် အကြောင်းပါခြင်း .... နန်ချောင်းဘုရင်တွင် အလွန်ချောမောလှပသော သမီးတော်တစ်ပါးရှိလေသည်။ မင်းကြီးသည် ၄င်း၏ သမီးတော်အား ကြင်ရာတော် ရွေးချယ်ပေးရန် စီစဉ်ခဲ့သည်။ ကြင်ရာတော်ရွေးပွဲတွင် ဘုရင်ကြီးသည် သမီးတော်အား ရေလည်ပိုင်းတွင် တပင်တိုင်မြနန်း ပေါ်တွင်စံစေသည်။ ဘုရင်ကြီးက မည်သူမဆို ရေယာဉ်၊ လှေစသော မည်သည့်အကူအညီမျှမပါပဲ သမီးတော်ထံ သွားနိုင်သောသူသည် သမီးတော်၏ ကြင်ရာဖက်အဖြစ် ရွေးချယ်မည် ဖြစ်ကြောင် မိန့်ကြားလေသည်။ သို့သော် မင်းသမီးလေး စံရာနေရာနှင့် ကမ်းမှာ အလွန်ဝေးကွာသောကြောင့် မည်သူတစ်ဦးတစ်ယောက်မျှ မရောက်နိုင်ပဲရှိလေသည်။ ထိုအချိန်တွင် ၁၆ နှစ်အရွယ် ခွန်တိုင်းသည် မိခင် နဂါးမင်းသမီး အကူအညီဖြင့် မင်းသမီးလေးစံရာနေရာ တပင်တိုင်မြနန်းသို့ ဆိုက်ရောက်နိုင်ခဲ့ပြီး နန်ချောင်းမင်းသမီး နှင့် အကြောင်းပါခဲ့လေသည်။

page13f.jpg
၁၃။ ခွန်တိုင်း မိုင်းမောဝ်ဘုရင် ဖြစ်ခြင်း .... နန်ချောင်းဘုရင်မင်းမြတ်သည် သမက်တော် ခွန်တိုင်းအား ဂုဏ်ပြုသည့်အနေဖြင့် အေဒီ ၇၆၂ တွင် မိုင်းမောဝ်ဘုရင် အဖြစ်တင်မြှောက်ခဲ့သည်။ နန်ချောင်းဘုရင်မင်းမြတ်သည် သမက်တော်၏ နိုင်ငံတော်နှင့် နန်းတော်တည်ဆောက်ရာတွင် မိမိ၏ လူအင်အား အမြောက်အများ စေလွှတ်ကူညီစေခဲ့သည်။ နောက်ပိုင်းတွင် ခွန်တိုင်းသည် သံလွင်အထက်၊ ကျိုင်းတုံ၊ ကျိန်းမိုင်၊ လောဝ်နိုင်ငံ နှင့် ဗီယက်နမ် အထက်ပိုင်း ကိုသိမ်းယူနိုင်ခဲ့သည်။

page14d.jpg
၁၄။ ဘုရင်မ နန်းလူ .... ခွန်တိုင်းခေတ်ပြီးနောက် အေဒီ ၇၆၂-၉၄၅ နောက်ပိုင်းတွင် တိုင်းပြည် ပရမ်းပတာဖြစ်ခဲ့သည်။ သား၊ သမီး၊ မြေး၊ မြစ် များမသင့်မြတ်ပဲ အာဏာအတွက် အချင်းချင်း တိုက်ခိုက်ကြသဖြင့် တိုင်းပြည်အုပ်ချုပ်ရန် မင်းသားမရှိဖြစ်ခဲ့ရသည်။ ထို့ကြောင့် အေဒီ ၉၅၄ တွင် မင်းသမီး နန်းလူးက ဘုရင်မအဖြစ် နန်းတက်ခဲ့သည်။ ဘုရင်မ နန်းလူ ၏မျိုးဆက်များသည် အေဒီ ၁၃၃၀ (ရှမ်းနှစ် ၁၀၄၈​-၁၄၂၄) ထိ မိုင်းမောဝ်ကို စိုးစံခဲ့ကြသည်။

page15v.jpg
၁၅။ ခွန်တုန်ဟို .... ဘုရင်မ နန်းလူ၏ သားတော်တစ်ပါးဖြစ်သော ခွန်တုန်ဟိုသည် အေဒီ ၁၀၂၄ တွင် ဘုရင်အရိုက်အရာကို ဆက်ခံခဲ့လေသည်။ ခွန်တုန်ဟိုသည် နန်းတွင်း မှ မှူးမတ်များ အခြင်းခြင်း ညီညွှတ်ရန် လမ်းပြပေးခဲ့သည်။ ဗမာရန်သူများသည် ကျူးကြော်တိုက်ခိုက်ရန် အကြိမ်ကြိမ် ကြိုးပမ်းသော်လည် မအောင်မြင်ပဲ ပြန်၍ဆုတ်ခွာသွားခဲရသည် သာဖြစ်သည်။ ဘုရင်သည် ယိုယွင်းစပြုနေသော မိုင်းမောဝ်ပြည် ကိုလည်း ပြန်လည်ပြုပြင် နိုင်ခဲ့သည်။ ထို့ကြောင့် တိုင်းသူပြည်သားများက ခွန်တုန်ဟိုအား "တိုင်းပြည်ကို ကယ်ဆယ်သောမင်းကြီး "ဟုခေါ်ဝေါ်သမုတ်ခဲ့သည်။

မှတ်ချက် ။ ။