ရှမ်းပြည်နယ်၏ မြေမျက်နှာပြင်

ရှမ်းပြည်နယ် တည်ရှိသော ကုန်းပြင်မြင့်သည် ပြည်ထောင်စု မြန်မာနိုင်ငံတွင် ရှေးအကျဆုံး ကုန်းမြေစိုင်ဖြစ်သည်။ ဤဒေသသည် လွန်ခဲ့သည့် နှစ်ပေါင်း သန်း ၁၀၀၀ (ကမ်ဘာရီယန်ခေတ် မတိုင်မီ) ကပင် ကုန်းဖြစ်နေသည်ဟု သိရသည်။ သို့ရာတွင် နောက်ပိုင်း ဘူမိဗေဒခေတ်များ၏ ပို့ချမှုများကိုလည်း အစဉ်အဆက် တွေ့ရသည်။ ဤကဲ့သို့ဖြစ်ရသည်မှာ ကုန်းဖြစ်ပြီးသော ဤဒေသအတွင်း ပင်လယ်ရေတစ်ကြိမ်မက ဝင်ရောက်ခဲ့သောကြောင့်ဖြစ်သည်။ အလယ်ကပ် (Mesozoic Era) အဆုံးလောက်တွင်မူ ပင်လယ်ရေသည် ရှမ်းပြည်မှ ဆုတ်ခွာသွားပြီးဖြစ်၍ ရှမ်းကုန်းပြင်မြင့် အနောက်ဖက်စွန်းသည် ထိုအချိန်က ပင်လယ်ကမ်းရိုးတန်း ဖြစ်ဟန်ရှိသည်။ ကုန်းမြေဖြစ်ပြီးမှ ပြင်းထန်သော မြေလွှာလှုပ်ရှားမှုများ ရှိခဲ့၍ အချို့နေရာတွင် ကျောက်လွှာများ ကွဲပြတ်ကျွံကျနေသော လွှာကျွံချိုင့်ဝှမ်းများတလျှောက် စီးဆင်းနေသည်ကို တွေ့ရသည်။ ပြင်းထန်သော လှုပ်ရှားမှုများကြောင့်ပင် အချို့ကျောက်များတွင် အသွင်ပြောင်းလဲခြင်းများ ဖြစ်ပေါ်ရာ စကျင်ကျောက်ကဲ့သို့သော ထုံးကျောက်နုများ ပေါ်လာသည်။

ရှမ်းပြည်နယ်တွင် ဘူမိဗေဒခေတ် အချိန်က ရေအိုင်များ အတော်အတန် များပြားခဲ့ဟန်ရှိသည်။ အချို့သောအိုင်များမှာ ထုံးကျောက်များ ပျော်ဝင်သွားရာမှ ဖြစ်ပေါ်လာသော အိုင်များဖြစ်သည်။ ယခုထက်တိုင် ကျန်ရှိနေသေးသော ရေအိုင်မှာ အင်းလေးရေအိုင် ဖြစ်သည်။ ယခုအခါ မြေနိမ့်လွင်ပြင်များ ဖြစ်နေပြီဖြစ်သော သိန္နီလွင်ပြင်၊ ကျောက်မဲလွင်ပြင်၊ သီပေါလွင်ပြင်၊ ဟဲဟိုးလွင်ပြင်၊ ကျိုင်းတုံလွင်ပြင်များမှာ တစ်ကြိမ်က ရေအိုင်နေရာဟောင်းများ ဖြစ်ကြသည်။

ရှမ်းပြည်နယ်၏ ယေဘုယျ အမြင့်မှ ၃၀၀၀ နှင့် ၄၀၀၀ ပေကြားတွင် ရှိသည်။ သို့သော် အချို့တောင်တန်းများမှာ ၅၀၀၀ မှ ၇,၅၀၀ ပေ ထိအောင် မြင့်သည်။ တောင်ထွတ်များမှာမူ ထိုထက်မက ပို၍မြင့်ကြသည်။ တောင်တန်းများသည် အများအားဖြင့် တောင်နှင့်မြောက် သွယ်တန်းနေကြသည်။ သို့ရာတွင်အနောက်မြောက်ပိုင်းရှိ တောင်တန်းများသည် ယေဘုယျ တောင်ကြောမှ သွေဖည်လျက်ရှိသည်။ သိန္နီနယ်အနောက်ပိုင်းရှိ လွိုင်လွန် တောင်တန်းမှာ အရှေ့မြောက် အနောက်တောင် တန်းလျက်ရှိပြီး နမ့်ဆမ် (တောင်ပိုင်နယ်) နှင့် မိုးကုတ်ကြားရှိ တောင်တန်းမှာမူ အရှေ့အနောက် တန်းလျက်ရှိသည်။ တောင်တန်းများ ကြားတွင် လွှာကျွှံ ချိုင်ဝှမ်းများရှိတတ်၍ ထိုချိုင့်ဝှမ်းများ တလျှောက်တွင် မြစ်များစီဆင်းလျက်ရှိသည်။ မြစ်များသည်လည်း တောင်တန်းများနှင့် မျဉ်းပြိုင်မြောက်မှတောင်သို့ အများအားဖြင့် စီးဆင်းသည်။

ဤဒေသ၏ အထင်ရှားဆုံးမြစ်မှာ သံလွင်မြစ်ဖြစ်သည်။ သံလွင်မြစ်သည် အလျား အလွန်ရှည်၍ မြစ်ဝှမ်း ကျဉ်းသောမြစ်ဖြစ်သည်။ ယင်းမြစ်သည် တရုတ်ပြည်သူ့သမ္မတနိုင်ငံ အနောက်ပိုင်းရှိ တိဗက်ကုန်းပြင်မြင့်တွင် မြစ်ဖျားခံ၍ အိန္ဒိယသမုဒ္ဒရာ၏ တစိတ်တဒေသဖြစ်သော မုတ္တမပင်လယ်ကွေ့အတွင်းသို့ စီးဝင်သည်။ ထိုမြစ်သည် မြန်မာပြည်တွင်းသို့ ကိုးကန့်နယ် မြောက်ဖျားမှ စတင်စီးဝင်းလာသည်။ ယင်းမြစ်ကို မြန်မာများက သံလွင်ဟု ခေါ်၍ရှမ်းများက နမ့်ခေါင်ဟုခေါ်သည်။ သံလွင်မြစ်သည် တောင်ကုန်း ထူထပ်သော အပိုင်းကို နက်ရှိုင်းစွာ တိုက်စားစီးဆင်းလာ၍ မြစ်ဝှမ်းမှာ ကျဉ်းမြောင်း နက်ရှိုင်းသည်။ ထို့ကြောင့် သံလွင်မြစ် ဖြတ်စီးရာတလျှောက်တွင် နက်ရှိုင်းသော ချောက်ကမ်းပါးများကို တွေ့ရသည်။

မြစ်ဖြတ်စီးရာတလျှောက်တွင် ကျောက်ဆောင်လည်း အလွန်ထူထပ်၍ ရေစီးမှာလည်း အလွန်မြန်သည်။ မြစ်ဝှမ်းနက်ရှိုင်းခြင်းကြောင့် ရေပြင် အတက်အကျလည်း အလွန်များသည်။ ထိုကဲ့သို့ ရေစီးမြန်ခြင်း၊ ရေပြင်အတက်အကျများခြင်း၊ ရေတံခွန်များ၊ ရေမှော်များရှိခြင်းကြောင့် သံလွင်မြစ်သည် ရေကြောင်းခရီးသွားလာရေးအတွက် သော်လည်းကောင်း၊ ရေသွင်း စိုက်ပျိုးရေးအတွက် သော်လည်းကောင်း အသုံးမ၀င်ပေ။ သို့ရာတွင် လျှပ်စစ်အား ထုတ်ယူရန်အတွက်မူ အသုံးချကရနိုင်စရာ ရှိသည်။

ရှမ်းပြည်မနယ်အတွင်း သံလွင်မြစ်၏ ထင်ရှားသော မြစ်လက်တက်များမှာ အရှေ့ဖက်တွင် မြောက်မှ စသော် နမ့်တင်းဟိုနှင့် နမ့်ခတို့ ရှိကြ၍ အနောက်ဖက်တွင် နမ့်ပန်နှင့် နမ့်တန်တို့ ရှိကြသည်။ ဘီလူးချောင်းသည်လည်း သံလွင်မြစ်၏ မြစ်လက်တက် တခုဖြစ်သော နမ့်ပွန် မြစ်ထဲသိစီးဝင်သည်။ မြစ်လက်တက်များအနက် အရှေ့ဖက်မှ စီးဝင်သော မြစ်များသည် တရုတ်ပြည်သူ့သမ္မတနိုင်ငံ ယူနန်ကုန်းပြင်မြင့်တွင် မြစ်ဖျားခံ၍ စီးလာကြခြင်းဖြစ်သည်။

သံလွင်မြစ်အပြင် အခြားထင်ရှားသော မြစ်များမှာ ဧရာဝတီ၏ လက်တက်များဖြစ်ကြသော ရွှေလီ၊ ဒုဋ္ဌဝတီ ခေါ် နမ္မတူမြစ်များနှင့် မဲခေါင်း၏ မြစ်လက်တက်နမ့်လွယ်တို့ ဖြစ်ကြသည်။ ရွှေလီမြစ်သည် ယူနန်နယ်တွင် မြစ်ဖျားခံ၍ မိုးမိတ်နယ်ကို ဖြတ်စီးသည်။ ဒုဋ္ဌဝတီခေါ် နမ္မတူမြစ်အောက်ပိုင်းကို မြစ်ငယ်မြစ်ဟုခေါ်၍ ထိုမြစ်သည် စစ်ကိုင်းမြို့၏ တဖက်ကမ်းတွင် ဧရာဝတီတွင်းသို့စီးဝင်သည်။ မြစ်ငယ်၏ အရေးကြီးသော လက်တက်တခု ဖြစ်သည့် ဇော်ဂျီမြစ်မှာလည်း ပင်းတယနှင့် ရပ်စောက်နယ်များတွင် မြစ်ဖျားခံ၍ စီးဆင်းသည်။ နမ့်လွယ်သည် တရုတ်ပြည်သူ့သမ္မတနိုင်ငံ ယူနန်နယ်မှ မြစ်ဖျားခံ၍ ရှမ်းပြည်နယ် အရှေ့ပိုင်း ကျိုင်းတုံနယ်ကို ဖြစ်ကာ လောနှင့်ပြည်ထောင်စု မြန်မာနိုင်ငံအကြား နယ်နိမိတ် ဖြစ်သော မဲခေါင်မြစ်တွင်းသို့ စီးဝင်သည်။

.:: တိုင်းရင်းသားရိုးရာ ဓလေ့ထုံးစံများ မှ ::.

Read More

ရှမ်းပြည်နယ် နယ်နိမိတ်

ရှမ်းပြည်နယ်သည် ပြည်ထောင်စု မြန်မာနိုင်ငံ၏ အရှေ့အလယ်ပိုင်းတွင် တည်ရှိ၍ တရုတ်ပြည်သူ့ သမ္မတနိုင်ငံ၊ လာအိုနိုင်ငံနှင့် ထိုင်းနိုင်ငံဖက်သို့ ထိုးထွက်နေသော အစိတ်အပိုင်း ဖြစ်သည်။ လတ္တီတွတ်အားဖြင့် ရှမ်းပြည်နယ်တွင် တောင်ဖက်အကျဆုံးဖြစ်သော မိုးဗြဲနယ်၏ တောင်ဖက်ဆုံးပိုင်းသည် မြောက်လတ္တီတွဒ် ၁၉ံ ၂၈' ခန့်ရှိ၍ မြောက်ဖက်တွင် မြောက်ဖက်အကျဆုံး မိုးမိတ်နယ်၊ သိန္နီနယ်နှင့် ကိုးကန့်နယ် မြောက်ဖျားပိုင်းများသည် မြောက်လတ္တီတွဒ် ၂၄ံ ၉' ခန့်တွင် ရှိသည်။ လောင်ဂျီတွဒ်မျဉ်းအရဆိုသော အရှေ့လောင်ဂျီတွဒ် ၉၆ံ ၁၅' မှ ၁၀၁ံ ၁၃' ကြားတွင် တည်ရှိသည်။ မြောက်ယဉ်စွန်းတန်းသည် ရှမ်းပြည်နယ်၏ မြောက်ဖက်ဆုံးနယ်များဖြစ်သော ကိုးကန့်နယ်၊ သိန္နီနယ်နှင့် မိုးမိတ်နယ်များကို ဖြတ်သွားသည်။

ရှမ်းပြည်နယ်သည် မြန်မာနိုင်ငံ၏ အရှေ့ဖက်ဆုံးပြည်နယ်ဖြစ်၍ အခြားနိုင်ငံများနှင့် ထိစပ်နေသည်။ အရှေ့မြောက်ဖက်တွင် တရုတ်ပြည်သူ့ သမ္မတနိုင်ငံရှိ၍ အရှေ့တောင်ဖက်နှင့် တောင်ဖက်တွင် လောနိုင်ငံနှင့် ထိုင်းနိုင်ငံများ အသီးသီးရှိကြသည်။ ပြည်ထောင်စု မြန်မာနိုင်ငံ အတွင်းတွင် ရှမ်းပြည်နှင့် ထိစပ်နေသော ပြည်နယ်များနှင့် တိုင်းများမှာ မြောက်ဖက်တွင် ကချင်ပြည်နယ်၊ အနောက်ဖက်တွင် စစ်ကိုင်းတိုင်းနှင့် မန္တလေးတိုင်း၊ တောင်ဖက်တွင် ကယားပြည်နယ်များ အသီးသီးရှိကြသည်။

ရှမ်းပြည်နယ်သည် ပြည်ထောင်စု မြန်မာနိုင်ငံ၏ ပြည်နယ်များတွင် အကြီးဆုံး ပြည်နယ်ဖြစ်၍ ဧရိယာ စတုရန်းမိုင်ပေါင်း ၆၁၀၉၀ ရှိသည်။ ရှမ်းပြည်နယ်၏ ပုံပန်းသဏ္ဍန်မှာ ကြိဂံပုံဖြစ်၍ အောက်ခြေမှာ အနောက်ဖက်တွင်ရှိကာ ထိပ်ချွန်မှာ အရှေ့ဖက်တွင် ရှိသည်။

{ တိုင်းရင်းသားယဉ်ကျေးမှု ရိုးရာဓလေ့ထုံးစံများ }

Read More

အရှောင်နှင့် အဆောင်များ

ကုန်သည်အိမ်များတွင် ပလွေမှုတ်ခြင်း၊ လေချွန်ခြင်း မပြုလုပ်ရ။ လာဘ်တိတ်တတ်သည်ဟု ယူဆကြသည်။ ဇီးကွက်များ ရပ်ရွာတွင် အော်မြည်ပါက နှာစေး ချောင်းဆိုးဖြစ်တတ်သည်။ အိမ်ရှင်ခွင့်မပြုပဲ ယောကျာ်း၏ သီးသန့်နေရာသို့ မသွားရ။ အိမ်ပေါ်တက်လျှင် ဖိနပ်ချွတ်ရသည်။ ကျွေးမွေးဧည်ဝတ်ပြုသော အစားအစာ၊ လက်ဖက်ရည်များကို စားသုံးမှ သဘောကျသည်. မစားပဲနေလျှင် ရိုင်းစိုင်းသည်ဟု ယူဆကြသည်။ ရှမ်းအမျိုးသားများသည် စီးပွားရေးနှင့်သက်ဆိုင်သော ရိုးရာဓလေ့များကို ပြုလုပ်လေ့ရှိသည်။ ယင်းတို့မှာ အထူးသဖြင် လယ်ယာများနှင့် ပတ်သက်သည်။

မိုးဦးကျ လယ်တောဆင်းချိန်တွင် မိုးမမှန်၊ လေမမှတ်ဖြစ်ခဲ့သော် လွန်ဆွဲခြင်း ယုံကြည်ကိုးစားရာ ဘုရား၊ နတ်တို့အား ပူဇော်ပသခြင်း ပြုသည်။ လယ်ယာများတွင် ပိုးမွှားကျရောက်သဖြင့် စိုက်ပျိုးထားသော ကောက်ပဲသီးနှံများ မအောင်မြင်သောအခါ မိမိတို့ မကောင်းမှု ပြုလုပ်ခဲ့သောကြောင့် အပြစ်တို့မှ ခွင့်လွှတ်ရန် တောင်းပန်ခြင်း၊ လယ်ယာများတွင် ဖျက်ဆီးအံ့သော မကောင်းမှု အကုသိုလ်များ ပပျောက်ရန် နတ်ပူဇော်ခြင်းများ ပြုလုပ်လေ့ရှိသည်။

လယ်ထွန်ခြင်း၊ ကောက်စိုက်ခြင်းများကိုလည်း နေ့ကောင်းနေ့မြတ် ရွေးချယ်ပြုလုပ်လေ့ရှိသည်။ တော်သလင်းလ ကျော်လျှင် ကောက်မစိုက်၊ စိုက်လျှင် သီးနှံမထွက်ဟု ယူဆသည်။

စပါးများရိတ်သိမ်းပြီးနောက် စပါးတင်းရေ ပိုမိုထွက်ရန် လယ်ကွင်းထဲတွင် မီးထွန်းပြီး ဆုတောင်း ပသလေ့ရှိသည်။ ကောက်လှိုင်းစည်းများ စုပုံပြီး စပါးမနယ်မီ စပါးနှံများကို ပုခိုင်ခိုင်ခေါ် ဘိုးဥကြီး၊ ဘွားဥကြီးဟု အမည်တပ်ထားသော ကြက်ဥပြုတ် နှစ်လုံးနှင့် မုန့်များ တင်သရသည်။

စပါးများကို အိမ်သို့ သယ်ယူသောအခါတွင် လယ်ကွင်း ယာခင်းမျှ အိမ်အထိ လမ်းတစ်လျှောက်တွင် စပါးပုံကလေးများ အနည်းငယ် ပုံချထားလေ့ရှိသည်။ ထိုသို့ ပုံထားခြင်းမှာ ကျေးငှက်သတ္တဝါ အပေါင်းတို့နှင့် ဝေမျှစားခြင်း ဖြစ်သည်။ ထို့အပြင် လမ်းခရီး၌ အစားအစာ ပြတ်သူများအား စပါးရှိသော နေရာသို့ အလွယ်တကူ ရှာဖွေနိုင်ရန် လမ်းပြအဖြစ် ပုံထားခဲ့ခြင်း ဖြစ်သည်။

Read More

ရှမ်းအမျိုးသားတို့ ဖြစ်ပေါ်လာပုံ (ရှေးရိုးစဉ်လာ)

ရှမ်းအမျိုးသားများက မိမိတို့သည် ကမ္ဘာဦး အစကပင် ရှိနေပြီးသော လူမျိုးများ ဖြစ်သည်ဟု ယုံကြည်ကြသည်။ ရှမ်းဆိုသော စကားလုံးသည် ပါဠိစကားမှ သက်ဆင်းလာသော ပါဠိပျက်စကား ဖြစ်သည်ဟု အဆိုရှိသည်။

ရှမ်းအမျိုးသားတို့က မိမိတို့ကိုယ်ကို မိမိတို့ တိုင်း ဟု ခေါ်သည်။ တိုင်း အဓိပ္ပာယ်မှာ တောက်ပခြင်း ဖြစ်သည်။ ရှမ်းရှမ်းဆောက်ပသည်။ မီးခိုးမီးလျှံ (ရှမ်း) စသော စကားများတွင် ရှမ်းစကားလုံးမှာ တောက်ပခြင်း ပြည့်ဝခြင်း သဘောအဓိပ္ပာယ်ကို ဆောင်သည်။

ရှမ်းပြည်ကို မိန်းတိုင်း၊ ရှမ်းလူမျိုးကို ကွန်းတိုင်း၊ ရှမ်းစကားကို ကွမ်းတိုင်းဟု ရှမ်းဘာသာဖြင့် ခေါ်သည်။

မြန်မာစာပေ၊ မြန်မာသမိုင်းများတွင်း ရှမ်းမျိုးအစ မိုင်းမောက ဟူ၍လည်းကောင်း၊ ရှမ်းမင်းအစ ဘိန္ဒက ဟူ၍လည်းကောင်း ဆိုရိုးလင်္ကာများ ရှိခဲ့သည်။

မောဟူသော စကားမှာ မင်းဟူ၍ အဓိပ္ပာယ်ရသည်။ ရွှေလီမြစ်ကို ရှမ်းအခေါ်ဖြင့် နမ့်မောင်းဟု ခေါ်သည်။ ရှေးအခါက ရွှေလီမြစ်ဝှမ်းတစ်လျှောက်တွင် ရှမ်းကိုးပြည်ထောင် တည်ထောင်နေထိုင်ရာမှ ရှမ်းဒေသကို ရွှေလီမြစ်အား အစွဲပြု၍ မောကိုးပြည် (မောင်းကိုးပြည်) ဟုခေါ်ကြသည်။

မြန်မာသမိုင်းများတွင် မိုင်းမော ပြည်ကြီးအား အနောက်မဇ္ဈိတိုင်းသား သကျသာကီဝင်မင်းမျိုး ဘိန္ဒကရာဇာ မင်းကြီးက စတင် တည်ထောင်ခဲ့သည်။ ယင်း၏ သားစဉ်မြေးဆက်များ ပြန့်ပွားသွားပြီး ပြည်ပေါင်းကိုးပြည်ထောင်နှင့် အရံမြို့ပေါင်း ၉၉ မြို့သော ကိုးပြည်ထောင်စုကြီးကို တည်ထောင်ကြသည်ဟု ပါရှိသည်။

ရှမ်းရိုးရာစကားအရဆိုသော် သကျသာကီဝင် မင်းမျိုးအနွယ်ဖြစ်သော ခွန်လူးမင်းခေါ် မင်းတပါးက မိုင်းကောပြည်ကြီးကို စတင် တည်ထောင်အုပ်စိုးသည်ဟု ဆိုသည်။

ထိုမင်းပေါက်ဖွားသော မင်းဆက်များသည် အောက်ပါမြို့ကြီး ကိုးမြို့နှင့် အရံမြို့များတွင် မင်းပြုခဲ့ကြသည် ဆို၏။

စဉ်	မောကိုးပြည်ထောင် မြို့များ	အရံမြို့များ အရေအတွက်
၁	မိုးကောင်းမြို့	၉၉ မိုင်း (မြို့ငယ်)
၂	မိုးညှင်း	၃၇ ။ (မြို့ငယ်)
၃	သောင်သွပ်	၂၈ ။ (မြို့ငယ်)
၎	ညောင်ရွှေမြို့	၃၉ ။ (မြို့ငယ်)
၅	သိန္နီမြို့	၄၉ ။ (မြို့ငယ်)
၆	အုန်းပေါင် (သီပေါ)မြို့	၂၉ ။ (မြို့ငယ်)
၇	မိုးမိတ်မြို့	၄၉ ။ (မြို့ငယ်)
၈	မိုးနဲမြို့	၃၇ ။ (မြို့ငယ်)
၉	မိုးပဲမြို့	၃၉ ။ (မြို့ငယ်)

Read More

ရောင်းဝယ် ဖောက်ကားခြင်းနှင့် အချိန်အတွယ်

ရှမ်းပြည်နယ်ရှိ ဈေးများမှာ အားလုံး ငါးရက်တစ်ကြိမ်ဈေးများ ဖြစ်ကြသည်။ ဥပုသ်နေ့များ၊ ဘာသာရေးဆိုင်ရာ နေ့ထူးနေ့မြတ်များနှင့် ကြုံပါက ဈေးနေ့မတိုင်မီ ဈေးဖိတ်နေ့ကို ဈေးနေ့အဖြစ် ပြုလုပ်ကြသည်။ မြို့ကြီးများ၏ ဈေးနေ့များကို လူတိုင်းသိကြသည်။ ရွာတစ်ရွာ၏ ဈေးဖိတ်နေ့ကို အနီးနားရှိ ရွာများက သိကြသည်။ စာမတတ်သူများပင် ဈေးဖိတ်နေ့နှင့် ဈေးနေ့များကို ရေတွက်မှတ်သားထားတတ် ကြသည်။ ဤအချက်ကို ထောက်ရှုခြင်းဖြင့် ရောင်းဝယ်ဖောက်ကားရေးတွင် ဈေးသည် အဓိက အရေးကြီးကြောင်း ထင်ရှားသည်။ ဈေးသည်များသည် ဈေးငါးရက်တစ်ပတ် လည်လာသည်အထိ မိမိတို့ ကုန်ပစ္စည်းများကို ကျွဲ၊ နွားလှည်း၊ မြည်း၊ လား၊ ပခုံးထမ်း၊ ခေါင်းရွက်၊ ပလိုင်းလွယ်စသော ဝန်တင်များဖြင့် လှည့်လည်ရောင်းချ ကြသည်။ ဈေးသည် စီးပွားရေးအတွက် သက်သက်မဟုတ်၊ လူမှုရေး၊ နိုင်ငံရေးနှင့် ဘာသာရေးတို့နှင့်လည်း အကျုံးဝင်လေသည်။

ရှမ်းပြည်နယ်ဈေးများတွင် တွေ့ရတတ်သော ပစ္စည်များမှာ တောင်ပေါ်ဆန်၊ လက်ဖက်ခြောက်၊ သနပ်ဖက်၊ ပဲပုပ်အခြောက်၊ အစို၊ ခေါပုပ်အမျိုးမျိုး၊ အချဉ်၊ အငန်သိပ် ဟင်းရွက်အမျိုးမျိုး၊ ခြံထွက်ပစ္စည်း အမျိုးမျိုး၊ အိမ်းတွင်း လက်မှုဖြစ် ပင်နီစ၊ ဖျင်စများ၊ ရှမ်းအဝတ်အစားများ၊ စား၊ ပေါက်ပြား အစရှိသော အိမ်သုံးပစ္စည်းများ အိုးခွက်စသည်တို့ ဖြစ်သည်။

ရှမ်းအမျိုးသားများ ရောင်းဝ.်ဖောက်ကားရာတွင် တိုင်းထွာခြင်တွယ်သော စနစ်မှာ အောက်ပါအတိုင်း ဖြစ်သည်-

အခြေခံအားဖြင့် စပါးနှင့်ဆန် ခြင်တွယ်ရာတွင် မြန်မာကဲ့သို့ စလယ်၊ ပြည်၊ ခွဲ၊ တင်း စသည်တို့ကို သုံးသည်

ရှမ်း	မြန်မာ
ဆီစလယ် = နိုင်ပယ်	လေးစလယ် = တပြည်
ပြက်ပယ် = ခွိုင်းနိုင်	ရှစ်ပြည် = တခွဲ
ဆောင်ခွိုင် = တန်နိုင်	နှစ်ခွဲ = တတင်း
ဆံတန် = နိုင့်လန်	၁၀တင်း = တဆော

အလေးချိန်ခွင်များတွင် မြန်မာပိဿာကျပ် အလေးများကို အသုံးပြုပြီး ချိန်ခွင်ကိုလည်း မြန်မာချိန်ခွင်အတိုင်း အသုံးပြုသည်။ စင် ဟုခေါ်သည့် ချိန်ခွင်တစ်မျိုးကိုလည်း အသုံးပြုကြသေးသည်။ ထို စင် ချိန်ခွင်၏ တဖက်တွင် ပုံသေ အလေးတစ်ခု ဆွဲချိတ်ထားသည်။ ချိန်ခွင်ခွက်ရှိသောဖက်မှ ဘောင်တန်းမှာ ပုံသေဖြစ်ပြီး အလေးရှိသောဖက်မှ ဘောင်တန်းမှာ ပိုမိုရှည်လျားကာ အလေးအတွက် ဂဏန်းမှတ်ကွက်များ ရှိသည်။ အလေးချိန်ငယ်လျှင် ယင်းအလေးကို ချိန်ခွင်လျှာအနီးသို့ ရွှေ့ပေးရသည်။ အလေးချိန်များလျှင် ဝေးရာအမှတ်များသို့ ရွှေ့ပေးသွားရသည်။ စင်ချိန်ခွင်တွင် ပိဿာ၊ အခွဲ၊ အဝက်ဟူ၍ အချိန် လေးမျိုးလောက်သာ ချိန်နိုင်ပြီး မှန်ကန်တိကျမှု မရှိချေ။ ကြီးမားသော တောင်းကြီး၊ ပုတ်ကြီးများကို ချိန်ရန်အတွက် စင် ချိန်ခွင်ကြီးများလည်း ရှိသည်။

အရှည်အလျား တိုင်းရာတွင် မြန်မာကဲ့သို့ လက်မမှစပြီး လက်တလံအထိ တိုင်းထွာသည်။ တိုင်းထွာပုံမှာ -

တစ်လက်မ = နုနိုင်
တစ်မိုက် = ကမ်တန်
တစ်ညို = စွမ်နိုင်
တစ်ထွာ = စုပ်နိုင်
တောင်ဆုပ် = ဆောင်ကမ်
တစ်တောင် = ဆောက်နိုင်
နှစ်တောင် = ဆောင်ဆော
လေးတောင် = ဝါးနိုင်

မြေဧရိယာစတုရန်း တိုင်းရာတွင် အလံ ၁၀ ပတ်သည်ကို လေ့နိုင် ဟုခေါ်သည်။ အလံ ၄၀ ပတ်လည်ကို တွန်နိုင်ဟု ခေါ်သည်။ အရှည် အလျားတိုင်းရာတွင် ဆပ်လန့်ဟု အခေါ်တစ်မျိုးလည်း ရှိသေးသည်။ ထိုအတိုင်းအတာမှာ ဘယ်ခြေရာ လက်တဆန့် သို့မဟုတ် ယာခြေ ဘယ်လက်တဆန့် အတိုင်းအတာကို ဆိုလိုသည်။

လုံးပတ်တိုင်းရာတွင်လည်းကောင်း၊ ဒုထည်တိုင်းရာတွင်လည်းကောင်း တစ်ထွာ၊ တစ်ညိုစသည်ဖြင့် တိုင်းကြသည်။ ချောင်း၊ မြောင်း၊ ရေကန်စသော အနက်ကို တိုင်းရာတွင် လူ၏ အရပ်နှင့်တိုင်းတာကြသည်။

Read More

ရှမ်းလူမျိုးများ

၁။ တိုင်းလုံ
၂။ တိုင်းမောဝ်
၃။ တိုင်းလိ၊တိုင်းလူး
၎။ တိုင်းခင်န်၊ (ဂုံရှမ်း)
၅။ တိုင်းဒွဲ၊ယီး၊ယိုင်
၆။ ပူတိုင်း
၇။ တိုင်းချင်း
၈။ တိုင်းပါး
၉။ တူဂျင်း
၁၀။ တိုင်းတုံဂျင်း
၁၁။ တိုင်းလှိုင်း၊တိုင်းနမ့်
၁၂။ တိုင်းပါးယီ
၁၃။ ထိုတိုင်းလို
၁၄။တိုင်းနုံး
၁၅။ တိုင်းဟတ်ကာ
၁၆။ တိုင်းအုံးပေ့
၁၇။ တိုင်းလီ
၁၈။တိုင်းချောင်း
၁၉။ ဒေါင်
၂၀။ တိုင်းနားခီ
၂၁။ ကီလ
၂၂။တူးလောဝ်
၂၃။ ပူလောဝ်
၂၄။ တိုင်းအဟုမ်
၂၅။ တိုင်းထို
၂၆။ တိုင်းတိုင်
၂၇။ တိုင်းနုန်း
၂၈။ တိုင်းထိုတစ်
၂၉။ တိုင်းယန်း၊တိုင်းနန်း
၃၀။ တိုင်းလှိုင်
၃၁။ တိုင်းဖောင်း
၃၂။ တိုင်းခေါင်
၃၃။ တိုင်းလမ်
၃၄။ တိုင်းယော
၃၅။ တိုင်းတူးလောဝ်
၃၆။ ပူပေါင်း
၃၇။ တိုင်းမျှော
၃၈။ လောဖွီး၊ဖူအွန်
၃၉။ တိုင်းနေ
၄၀။ တိုင်းထိုင်း

စာအုပ်ထဲမှာတော့ ဒီလောက်ရှိတယ်ဆိုတာ ရေးပြထားတာ မဟုတ်ပါဘူး၊ စာအုပ်ဖတ်ရင်းနဲ့မှ စာအုပ်ထဲပါတာလေးတွေ ထုတ်နှုတ်ထားတာပါ။ မြန်မာ၊ တရုတ်၊ လော၊ အိန္ဒိယ၊ ထိုင်း စတဲ့နေရာတွေ မှာနေထိုင်ကြပါတယ်။

{အရှင်သုခမိန္ဒ (တန့်ယန်း) ၏ ရှမ်းတိုင်းရင်းသားများ၏ ယုံကြည်မှုနှင့် ဓလေ့ထုံးစံများ}

Read More

နွားဝန်တင် နှင့် ခေါင်းလောင်းသံ

လူတို့သည် လူမှုရေးအတွက် နေ့စဉ်အမျှ လှုရှားသွားလာလျက် စားသောက်နေထိုင်ရေး ကိစ္စရပ်များ၊ ဖွံ့ဖြိုးတိုးတက်မှု ကိစ္စရပ်များ၊ အမျိုးအနွယ်အလိုက် အပေါင်းအသင်း ဆက်ဆံရေးနှင့် ယုံကြည်ကိုးကွယ်မှု ကိစ္စရပ်များ၊ တဦးနှင့်တဦး ရေမြေ တောတောင် ဘယ်လိုပင်ခြားသော်လည်း တောတောင် ရှိုမြောင်များအကြား အခက်အခဲ အမျိုးမျိုးဖြင့် ဖြတ်ကျော်သွားလာခဲ့သည်မှာ လွယ်ကူသည့် ကိစ္စမျိုးမဟုတ်ပါချေ။

အခက်အခဲကြားမှ ကျော်လွှားဖြေရှင်းခဲ့သည့် ရှေးယခင်က အပြုအမူ လိမ္မာယဉ်ကျေးမှု (Civilization) အဆင့် အတန်းကို ဆိုလိုခြင်းဖြစ်သည်။

သျှမ်းပြည်နယ် အပါအဝင် မြန်မာနိုင်ငံအတွင်း မှီတင်းနေထိုင် လုပ်ကိုင်စားသောက်လျက်ရှိကြကုန်သော တိုင်းရင်းသား လူမျိုးများသည် ခေတ်စဉ်ကိုလိုက်၍ ၄င်းတို့ သုံးစွဲခဲ့သော လူသုံးပစ္စည်းအမျိုးမျိုးမှ သုတေသနပြုလုပ်လျက်တွေ့ရှိသော အချက်အလက်များအရ မှတ်တမ်းတင်ခဲ့ပေသည်။ ထိုကဲ့သို့ သုတေသန ပြုလုပ်ခဲ့ရာမှ တွေ့ရှိချက်များ၊ လှည်းလမ်း၊ ကားလမ်း မရှိသေးသည့်ခေတ် သမယ၌ အသုံးပြုခဲ့သော နွားဝန်တင် နှင့်ခေါင်းလောင်းသံ အကြောင်းကို ဖောက်သည်ချရသည်သာလျှင်--

သျှမ်းတို့သည် လှည်းလမ်း ပေါ်သေးခင် ကုန်ကူးရာ၌ ရှေ့ဆောင်နွား၊ ရှေ့သွားဥဿဖ မှာ နွားဝန်တင်များအထဲမှ ရှေ့ဦးဆုံး အမြဲသွားတတ်ကြသော နွားအရွယ်ကောင်း ရုပ်ကောင်း အင်အားကောင်းတစ်ကောင်မှ သုံးကောင်အထိရွေးချယ်၍ ၄င်းတို့အား အသိအလိမ္မာရှိအောင်၊ အထူးသဖြင့် ခရီးသွားနေစဉ် ဘယ်ရှောင် ညာရှောင်၊ ရှေ့သွား နောက်ဆုတ်၊ အသွား အလာ အရပ် အနား အတွက် သူ့နည်းသူ့ဟန်နှင့် သုံးနှုံးသည့် လူ့စကားလုံးကို လိုက်နာအောင်သင်ကြားလေ့ကျင့်ပေးရ၏။

ခရီးသွားဖန်များသော် မိမိ၏နွားအုပ်မှ ၄င်းတို့ သုံးနှုံးသော စကားလုံးများကို နားလည်၍ လိုက်နာသော နွားတကောင်ကို ရွေးထုတ်၍ ရှေ့ဆောင်လမ်းညွှန်အဖြစ် (ပိုးနမ်း) ဟုသတ်မှတ်လျက် ထိုနွားအား အခြားနွားများထက် အခွင့်အရေးပေးပြီး အထူးတန်ဆာ ဆင်ပေးလိုက်သည်။

ဆင်အပ်သောတန်ဆာများမှာ-

နွားနဖူးစီး၊ နွားဦးကင်းတပ်ဆင်သည့် ရောင်စုံပန်းခက် ပန်းနွယ်၊ မှန်စီရွှေချ၊ ပိုးကြိုး၊ ဖဲကြိုး၊ ကတ္တီပါကြိုး များချယ်လှယ်ထား၏။ အခြားသော ဝန်တင်နွားများကဲ့သို့ ပစ္စည်းထည့်သည့် ခြင်းများမပါ။ ဦးစီးခေါင်းဆောင်ဖြစ့်သည့် လူကြီး၏ အဖိုးတန်ပစ္စည်းများစောင်နှင့် အခြားသော ပစ္စည်းများကို ကျောကုန်းပေါ်တင်လျက် ရှေ့စီးနောက်စီးကြိုးများဖြင့် မြဲအောင် ချည်နှောင်ထားပါသည်။

(ဝိုးတံး-ဝိုးလံး) ဟူ၍ နောက်လိုက် နွားနှစ်ကောင်ထားရသေးသည်။ ပထမ (ဝိုးနမ်း) ရှေ့ဆုံးသွားနွား ကဲ့သို့ နွားနှစ်ကောင်ရွေးချယ်၍ ၄င်းတို့အား ထိုက်သင့်ရာ တန်ဆာဆင်ပေးလျက် ၄င်းတို့၏ ကျောကုန်းပေါ် ခေါင်းလောင်းကြီး တလုံးစီ တင်ပေးလိုက်၏။ (ဝိုးနမ်း) ၏နောက်သို့ ထပ်ကြပ်မကွား အမြဲတစေ လိုက်ရသည့် ဒုတိယ နွားဆောင် ဖြစ်သည်။

ခေါင်းလောင်းကြီး နှစ်လုံးမှာ မတိမ်းမယိမ်း အစဉ်လိုက်၍ အကြီး အငယ်ခွဲခြားထား၏။ အသံမှာလည်း လွန်စွားငြိမ့်ညောင်း သာယာနာဖွယ် ကောင်းလှ၏။ ငါးမိုင်အဝေးသို့ အသံလွှင့်၏။ (ဝါ) ငါးမိုင်တာဝေးမှ ကြားရသည်။ နွားဝန်တင် အသင်းအဖွဲ့ အသီးသီး ရှိကြသေး၏။ ဒေသအလိုက် ရွာအလိုက် နွားဝန်တင်အုပ်စုဟု ဖွဲ့စည်းထားတတ်ကြသေး၏။ အချို့လည်း တသီးပုဂ္ဂလအနေဖြင့် နွားဝန်တင်အအုပ်လိုက် ထား၏။ ထိုအသင့်းအဖွဲ့များမှ ခေါင်းလောင်းကြီး လုံးကြီး၊ လုံးငယ် အသွယ်သွယ်၊ အလုံးလှ အလုံးကောင်း၊ အသံကောင်း ဟူ၍ အသီးသီး တန်ဖိုးထား၍ အချင်းချင်း ဂုဏ်ယူကြသေး၏။

အစဉ်တစိုက် ခရီးသွားသည့်အခါ၊ ရှေ့ဆုံးနွား (ဝိုးနမ်း) နောက်မှ ပစ္စည်းများ အပြည့် တင်ဆောင်သည့် နွားဝန်တင်အုပ်ကြီး ဖြစ်သည်။ နွားဝန်တင်အုပ်ကြီးမှာ နွားအကောင်ရည် အစိတ်မှ ငါးရာအထိ ပါရှိသည်။

ပစ္စည်းများ တင်ဆောင်သည့်အခါ နွားဝန်တင်များ၏ အင်အားကိုလိုက်၍ ပစ္စည်းများ တင်ပေးလိုက်သည်။ အချို့ကိုလည်း ပစ္စည်းမျှပြီး တင်ပေးလေ့ရှိသည်။

နွားဝန်တင်အုပ်ကြီး၏ အလယ်၌ သွားလေ့ရှိသော နွားအလှ နှစ်ကောင်အား ရွေးချယ်လျက် ခေါင်းလောင်းကို တလုံးစီတင်ပေးပြီး လိုက်ပါစေခဲ့သည်။ ခေါင်းလောင်းကြီး၏ အသံမှာ အကြီးအငယ်လိုက်၍ အသံကောင်းပါသည်။

ထိုကဲ့သို့ပြုလုပ်ခြင်းမှာ အစဉ်အလာအရ ဖြစ်သည်။ ပစ္စည်းပျောက်ဆုံးခြင်း နွားများ၏ အကျင့်ပျက်ပြားခြင်းမှ ကာကွယ်သည့် သဘောပင်ဖြစ်သည်။ နောက်တကြောင်းလည်း နောက်လိုက် လုပ်ဖော်ငယ်သားများအတွက် အလွယ်တကူ နွားအုပ်ကြီးအား ထိန်းကွပ်နိုင်ပါသည်။

ရှေ့ဆောင်နွားအတွက် ရံဖန်ရံခါ ခြေထောက်နာခြင်း၊ ဝမ်းလျှောခြင်း၊ ရောဂါတခုခုဖြင့် မသွားနိုင်ပါက အရံနွား (ဝိုးနမ်း) ထားရပါသည်။ ရှေ့ဦးဆုံး အမြဲတစေ သွားလေ့ရှိသည့် နွားကိုသာ ရွေးချယ်ရပါသည်။

ရှေ့ဆောင်နွားမရှိလျှင် မဖြစ်ပါ။ ရှေ့ဦးဆုံးသွားရသော နွားကိုကြည့်ပြီး ဝန်တင်နွားအားလုံး လိုက်သွားရခြင်းဖြစ်သည်။ ရှေ့ဆောင်နွား၊ ညွှန်ရာသွားရာ လိုက်သွားရသဖြင့် တောင်တောင်ရှိုမြောင်များ ဖြတ်ကူးသွားလာခြင်း စသောအမှုကို ရှေဆောင်နွား၏ ရဲစွမ်းသတ္တိကြောင့် အောင်မြင်ခဲ့ပေသည်။

ထို့ကြောင့် ထိုရှေ့ဆောင်နွားကောင်းမှ နောက်လိုက်ကြသည့် ဝန်တင်နွား အားလုံးကောင်းသွားပါမည်။ ရောက်လိုသည့်နေရာ စခန်းသို့ ရောက်ရှိနိုင်ပါသည်။

မှတ်ချက် ။ ။ မူရင်းစာအရေးအသားမှ ရှေးယခင်က အရေးအသားဖြစ်သောကြောင့် Shan History Group မှ အနည်းငယ်ပြင်ဆင်ထားပါသည်။ မူရင်းရေးသားသူနှင့် မူရင်းစာအုပ်ကို မဖော်ပြနိုင်ခြင်းအတွက် တောင်းပန်ပါကြောင်း …..

Shan History Group

Read More

ဘာသာရေးဆိုင်ရာ ပွဲလမ်းများ

ရှမ်းအမျိုးသား ပွဲလမ်းသဘင်များမှာ များသောအားဖြင့် ဘာသာရေးဆိုင်ရာ ပွဲများသာ ဖြစ်သည်။ အများအားဖြင့် အောက်ပါ ပွဲများကို ကျင်းပလေ့ ရှိကြသည်-
(၁) ရှင်ပြုပွဲ
(၂) ဘုရားရုပ်ပွားတော် လှူပွဲ
(၃) ဓမ္မကျမ်းစာ ပုရပိုက် လှူပွဲ
(၄) အိမ်တက် မင်္ဂလာပွဲ နှင့်
(၅) ဆွမ်းတော်ကြီး ကပ်လှူပွဲ - များ ဖြစ်ကြသည်။

ဖော်ပြပါပွဲများတွင် ရှင်ပြုပွဲ၊ ဘုရားရုပ်ပွားတော် လှူပွဲနှင့် ကျမ်းစာပုရပိုက် လှူပွဲများကို တတ်နိုင်သူများက တဦးချင်း အနေနှင့်လည်းကောင်း သို့မဟုတ် ရပ်ရွာအလိုက် စုပေါင်း၍လည်းကောင်း ကျင်းပလေ့ ရှိသည်။ ထိုပွဲသုံးခုကို တနေရာတည်း၊ တချိန်တည်း ပူးပေါင်း ကျင်းပလေ့ရှိသည်။ ယင်းပွဲကျင်းပသည့်အခါ အလှူ့ဒကာတို့က ကျောင်းကန်ဘုရားအနီး သာယာပြန့်ပြူးသော နေရာတွင် ယာယီအလှူမဏ္ဍပ် ဆောက်လုပ် ကျင်းပကြသည်၊ မဏ္ဍပ်အလယ်နေရာတွင် လှူဖွယ်ပစ္စည်းများနှင့် ဘုရားရုပ်ပွားတော်တို့ကို လှပစွာ ပြင်ဆင်ထားသည်။ ဘုရားစင်တဖက်တချက်တွင် တတောင်ခန့်အမြင့်ရှိ စင်ထိုးပြီး ရာဇမတ်ကာ၊ လှေကားတပ်၍ ငှက်ပျောပင်၊ ကြံပင်များဖြင့် ဆင်ယင်ထားပြီ သက်ကယ်၊ ကောက်ရိုးများ ကာရံထားသည်။ ၀င်းပေါက်များတွင် ရေအိုးစင်များ ဆောက်ထားသည်။

အလှူပွဲနေ့ရက် မတိုင်မီ ကြိုတင်၍ နီးစပ်ရာ ပတ်ဝန်းကျင်ရှိ ဆွေမျိုးသင်္ဂဟများအား အလှူပွဲသို့ ကြွလာရန် လူလွှတ်၍ ဖိတ်ကြားလေ့ရှိသည်။ ဖိတ်ကြားခြင်းကို စကားပြောဆိုရာတွင် လိမ္မာယဉ်ကျေးသူများက ဆောင်ရွက်၍ ဖိတ်ကြားသည့်အခါ ကြက်လျှာနှင့် ပူးတွဲ ချည်နှောင်ထားသော မုန့်ထုပ်နှင့် ဖိတ်လေ့ဖိတ်ထ ရှိသည်။

အလှူနေ့တွင် ရှင်လောင်းများနှင့်တကွ အလှူပစ္စည်းများကို ပွဲခင်းမဏ္ဍပ်သို့ အိုးစည်၊ ဗုံမောင်းများ တီးမှုတ်လျက် ဝေါဖြင့် တင်ဆောင်လာကြသည်။ ရှမ်းအမျိုးသားတို့၏ ဓလေ့ထုံးစံအရ ရှင်ပြုလိုသည့် သားရှင် မိဘများးသည် သားအတွက် ရှင့်အဖနှင့် ရှင့်အမိရှာပြီး သားအား ရှင်ပြုပေးပါရန် အပ်နှံကြရသည်။ ရှင့်အဖနှင့် ရှင့်အမိတို့က ရှင်လောင်းကို အ၀တ်အစား ဆင်ယင်ပေးခြင်း၊ အလှပြင်ပေးခြင်း၊ ဘေးမှ စောင့်ရှောက်ပေးခြင်း တာဝန်များ ယူရသည်။ ရှင်ပြုအဖနှင့် အမိတို့သည် အလှူမှ ဆုများခံပြီး ရရှိသော ငွေများကို ရွာအတွက်လိုအပ်သော ပစ္စည်းများ ၀ယ်ထားရန် ပြန်၍ လှူခဲ့ကြသည်။ ရှင်ပြုပေးသော ရှင့်ဖရှင့်မိများအား ရှင်လောင်းက မိဘအရင်းကဲ့သို့ ချစ်ခင်လေးစားသည်။

ငွေကြေးတတ်နိုင်သည့် အခြေအနေကိုလိုက်ပြီး အလှူပွဲကို သုံးရက်၊ ငါးရက်၊ ခုနှစ်ရက်စသည်ဖြင့် ကျင်းပလေ့ ရှိသည်။ ရပ်ဝေးမှရောက်လာသော ဧည့်ပရိတ်သတ်တို့ တည်းခိုစားသောက်ရေး အားလုံးကို အလှူရှင်များက တာဝန်ယူကြရသည်။

အလှူ ရေစက်ချမည့်နေ့တွင် မဏ္ဍပ်သို့ ဘုန်းကြီးများအား ပင့်၍ ရှင်လောင်းများကို သာမဏေအဖြစ် သင်္ကန်းစည်းပေးပြီး လှူဖွယ်ရာများကို ရေစက်ချ လှူခြင်းဖြင့် အလှူအခမ်းအနား ပြီးမြောက်သည်။ ပွဲပြီးသောည၌ အလှူပွဲတွင် အချက်အပြုတ်မှစပြီး ပါဝင်ကူညီပေးသူများက အိုးစည်၊ ဗုံမောင်းများဖြင့် အလှူရှင်များအတွက် ဆုတောင်းပွဲလုပ်ကြကာ အလှူရှင်များကလည်း အကျွေးအမွေးနှင့် ဆုငွေများပေးကြသည်။

(တိုင်းရင်းသား ရိုးရာဓလေ့ ထုံးစံများ-
မြန်မာ့ ဆိုရှယ်လစ်လမ်းစဉ်ပါတီ) စာအုပ်မှ.....

Read More